Postingan

Greater Sunrise: Banku Estranjeiru Hatudu Intrese, Maibe Timor-Leste Sei Falta Saida Atu Hahu Projetu?

Gambar
  First Abu Dhabi Bank (FAB) , instituisaun finanseira husi Emiradu Árabe Unidu (EAU), ne'ebé hatudu interese atu konsidera finansiamentu ba infraestrutura estratéjika Timor-Leste, inklui projetu gás Greater Sunrise. (Foto: FAB) Abu Dhabi, 16 Novembru 2026 (OCNEWS) – Interese husi First Abu Dhabi Bank (FAB), instituisaun finanseira boot ida husi Emiradu Árabe Unidu (EAU), atu konsidera finansiamentu ba infraestrutura estratéjika Timor-Leste, inklui projetu gás Greater Sunrise, loke oportunidade foun ba dezenvolvimentu setór enerjia nasionál. Maibé, interese ne'e seidauk signifika katak finansiamentu aprova ona, no Timor-Leste sei infrenta dezafiu importante atu transforma oportunidade finanseira ne'e sai infraestrutura no benefísiu ekonómiku konkretu ba populasaun. Interese FAB nian hato'o depois Prezidente Repúblika Timor-Leste, José Ramos-Horta, hala'o enkontru ho Diretór-Jerente no Xefe Globál ba Governu no Setór Públiku iha banku ne'e, Abdulla Mohammed ...

Timor-Leste Sai Parte Husi Membru Emblema Foun ASEAN, Ida Ne’e Marka Saida?

Gambar
Emblema foun ASEAN ho ai-horis hare 11, ne'ebé marka inkluzaun Timor-Leste iha identidade vizuál ofisiál organizasaun rejionál ne'e nu'udar membru plenu daruak-na'in 11. Manila, 15 Novembru 2026 (OCNEWS) – Organizasaun Nasoins Sudeste Aziátiku (ASEAN) aprezenta ofisialmente emblema no bandeira foun iha serimónia abertura 49.ª Simeira ASEAN, iha Manila, Filipina, Domingu (15/11). Mudansa ne'e aumenta númeru ai-horis (hare) iha sentru emblema husi 10 ba 11, nu'udar reprezentasaun ba kompozisaun foun ASEAN ho membru na'in 11, inklui Timor-Leste. Ba Timor-Leste, mudansa ne'e iha signifikadu liu duké atualizasaun dezeñu. Ida-ne'e marka etapa importante iha prosesu integrasaun nasaun ne'e iha organizasaun rejionál, tanbá Timor-Leste agora la'ós de'it membru plenu ASEAN, maibé nia partisipasaun mós reflete ona iha símbolu ofisiál organizasaun nian. Pergunta kona-ba saida mak emblema foun ne'e marka, iha resposta tolu: rekonesimentu ba kompo...

APOIU POVU OE-CUSSE BA LERE, KANDIDATURA PREZIDENTE IHA DISKUSAUN

Gambar
Povu Atoni Apoiu J enerál Lere Anan Timur, Ba Kandidatura Prezidente Da  Repúblika. Foto: OCNEWS Oe-Cusse, 10 Novembru 2026 (OCNEWS) -Partisipante sira iha diálogu “Marka Diferensa 2027-2032” husu ba Jenerál Lere Anan Timur atu kandidata an ba Prezidente da Repúblika, ho objetivu atu lidera nasaun no ajuda hatuur fila fali Estatutu Rejime Espesiál Oe-Cusse. Hatan ba apelu ne’e, Lere deklara katak nia prontu atu kandidata an se hetan konfiansa husi povu Oe-Cusse. Apelu ne’e hato’o durante diálogu ne’ebé hala’o iha Salaun Dominicana, Oe-Cusse, iha loron Tersa, 10/11, ho tema “Marka Diferensa 2027-2032”. Iha diálogu ne’e, partisipante sira manifesta konfiansa ba Lere Anan Timur no husu nia atu konsidera kandidatura ba Prezidente da Repúblika, hodi kontribui ba lideransa nasionál no restaurasaun Estatutu Rejime Espesiál Oe-Cusse. Partisipante sira mós hateten katak, se Lere deside kandidata an, sira prontu atu mobiliza apoiu populár ba nia kandidatura, ho esperansa atu hetan lide...

KOMEMORASAUN 12 NOVEMBRU BA DALA 35, LIDERANSA APELA JUVENTUDE PREPARA FUTURU NO HAMETIN PAZ

Gambar
Komemorasaun loron nasionál 12 Novembru, Masakre Santa Cruz ba dala 35, iha Oe-Cusse Ambeno. Foto: RCAL Oe-Cusse, 12 Novembru 2026 (OCNEWS) -Komemorasaun loron nasionál 12 Novembru, Masakre Santa Cruz ba dala 35, iha Oe-Cusse Ambeno halaʼo ho apelu ba juventude atu muda hahalok, hametin unidade nasionál no kontribui ba harii pás no dame, hanesan baze ba dezenvolvimentu sustentável iha Timor-Leste. Atividade komemorasaun neʼe halaʼo iha Semitériu Santa Rosa, Aldeia Sanane, Suku Costa, Sub-Rejiaun Pante Makasar, RAEOA, ho tema “Ho Espíritu Juventude 12 Novembru Nian, Lori Ita Hamutuk ba Harii Pás no Autor ba Dezenvolvimentu Sustentável.” Programa komemorasaun hahú ho selebrasaun misa iha Parókia Numbei, no kontinua ho marsa ba dame husi Parókia Numbei toʼo Semitériu Santa Rosa, antes halaʼo atividade tau ai-funan hodi fó omenajen ba mártir no vítima sira Masakre Santa Cruz iha 12 Novembru 1991. Prezidente Komite 12 de Novembru, Domingos de Almeida, iha nia deklarasaun hatoʼo agra...

EDTL OEKUSI ABANDONA ATENDIMENTU PULSA, KOMUNIDADE HUSU RESPONSABILIDADE

Gambar
Komunidade Konsumidór Eletrisidade Hatoʼo Preokupasaun no Kritika ba Falta Atendimentu Iha Sentru Venda Pulsa Eletrisidade EDTL. Foto: OCNEWS Oe-Kusse, 12 Novembru 2026 (OCNEWS) -Komunidade konsumidór eletrisidade hatoʼo preokupasaun no kritika ba falta atendimentu iha sentru venda pulsa eletrisidade EDTL Padimau, neʼebé lokaliza iha aldeia Sanane, suku Costa, tanba funsionáriu sira la iha fatin servisu maski komunidade mai ho intensaun atu sosa pulsa ba nesesidade uma-kain. Tuir deklarasaun husi fonte konfirmadu neʼebé hetan entrevista husi OCNEWS iha terenu, pontu atendimentu neʼe normalmente loke iha loron Sábadu no Domingu, hahú hosi tuku 06:00 loraik toʼo tuku 10:00 kalan, inklui mos loron toleránsia. Tanba neʼe, komunidade konsidera katak falta funsionáriu iha oras atendimentu sai obstákulu ba sira-nia nesesidade loro-loron. “Ami mai iha neʼe lori osan atu sosa pulsa, laʼos mai husu buat gratuita. Ami presiza tebes eletrisidade ba nesesidade uma-laran. Governu iha obrigasaun ...

AMEASA MALÁRIA BELE MOSU FALI, PREVENSAUN IHA BENE-UFE KONTINUA

Gambar
Reprezentante Saude Entrega Mosquiteiru ba Komunidade Durante Atividade Lansamentu D istribuisaun Mosquiteiru  Iha Suku Bene-Ufe, Sub-rejiaun Nitibe, RAEOA. Foto: OCNEWS  Oekusi, 11 Novembru 2026 (OCNEWS)- Maski Timor-Leste hetan ona sertifikasaun nasaun livre husi moras malária husi Organizasaun Mundiál Saúde (OMS) iha tinan 2025, Ministériu Saúde kontinua hametin esforsu prevensaun liuhusi distribuisaun mosquiteiru, fumigasaun uma-kain no edukasaun saúde ba komunidade, liuliu iha área fronteira neʼebé konsidera iha risku introdusaun fali moras neʼe. Atividade lansamentu distribuisaun mosquiteiru neʼe halaʼo iha Postu Saúde Bitila, Aldeia Manan, Suku Bene-Ufe, Sub-Rejiaun Nitibe, RAEOA, iha 11 Novembru 2026, ho total benefisiáriu ema naʼin 3.534, neʼebé kompostu husi uma-kain 802. Jestor Programa Malária Ministériu Saúde, Raul Sarmento, alerta katak estatutu livre husi malária la signifika katak risku moras neʼe lakon hotu. Tanba Timor-Leste iha fronteira ho nasaun vizinha, m...

MULTIKLASE NO SISTEMA TURNU SAI SOLUSAUN BA FALTA PROFESSÓR

Gambar
Diretór Servisu Rejionál Edukasaun (SRE), Vincencio Cono. Imajen: OCNEWS Oekusi, 10 Novembru 2026 (OCNEWS)- Diretór Servisu Rejionál Edukasaun (SRE), Vincencio Cono, afirma katak falta professór iha eskola balun iha Rejiaun Administrativa Espesiál Oe-Cusse Ambeno (RAEOA) kontinua sai dezafiu ba prosesu aprendizajen. Atu responde ba situasaun neʼe, Ministériu Edukasaun adopta estratéjia multiklase no sistema turnu, hodi asegura katak atividade pedagójika iha eskola sira kontinua laʼo. Vincencio Cono hatoʼo deklarasaun neʼe durante entrevista iha loron 10 Novembru 2026. Nia esplika katak falta professores neʼe laʼos akontese deʼit iha Oekusi, maibé iha teritóriu Timor Leste tomak, no ida-neʼe akontese tanba professór balun hetan moras prolongadu seidauk tama reforma, no iha mós professor balun hetan ona notifikasaun atu tama reforma. Tuir nia, situasaun neʼe sei aumenta falta rekursu umanu iha setór edukasaun, liuliu atu responde ba demanda professór iha eskola sira. Atu responde...